Mark Anthony Baltazar
Share
𝐓𝐈𝐍𝐆𝐍𝐀𝐍 | Masigasig na tinanggap ng Lokal na Pamahalaan ng Amulung, sa pangunguna ni Mayor Elpidio Rendon, ang mga kinatawan mula sa
para sa isang mahalagang talakayan ukol sa pagpapalago ng sektor ng agrikultura sa bayan.
para sa isang mahalagang talakayan ukol sa pagpapalago ng sektor ng agrikultura sa bayan.Kasama ni Mayor Rendon sina Vice Mayor Dr. Edward Antonio, SB Heribert Rendon, SB Ismael Zalun at mga Department Heads na malugod na sumalubong sa mga bisita. Nagkaroon ng talakayan hinggil sa mga modernong paraan at estratehiya sa pagtatanim ng palay at mais.
Ang pangunahing layunin ng kanilang pagbisita at pagpupulong ay ang beripikasyon ng datos sa paglikom ng impormasyon para sa sektor ng agrikultura, lalo na sa larangan ng palay at mais, pati na rin ang pagbabahagi ng mga makabagong kaalaman at paggalugad sa mga posibleng oportunidad upang mas mapataas pa ang ani at kita ng mga lokal na magsasaka sa bayan.
Nagkaroon din ng palitan ng kaalaman at karanasan sa pagitan ng mga lokal na opisyal, Department Heads at mga kinatawan ng USDA FAS, na nagbigay-daan sa pagpapalakas ng ugnayan at pagbabahagi ng mga pinakamahusay na kasanayan sa sektor ng agrikultura.
Personal na ininspeksyon ng grupo ang malalawak na rice field at corn field sa Barangay Masical upang masiyasat ang kasalukuyang kalagayan ng mga pananim, maunawaan ang mga totoong hamon na kinakaharap ng mga magsasaka sa pamamagitan ng direktang pakikipag-usap sa kanila, at matalakay ang mga angkop na suporta at makabagong pamamaraan sa pagsasaka.
Puno naman ng pasasalamat si Mayor Rendon at ang buong pamahalaang lokal sa pakikipagtulungang ito, na naglalayong magdala ng mas masaganang kinabukasan para sa mga magsasakang Amulungeño.
