𝐁𝐀𝐆𝐎𝐍𝐆 𝐆𝐘𝐌𝐍𝐀𝐒𝐈𝐔𝐌 𝐒𝐀 𝐃𝐀𝐃𝐃𝐀 𝐄𝐋𝐄𝐌𝐄𝐍𝐓𝐀𝐑𝐘 𝐒𝐂𝐇𝐎𝐎𝐋, 𝐎𝐏𝐈𝐒𝐘𝐀𝐋 𝐍𝐀𝐍𝐆 𝐍𝐀𝐈-𝐓𝐔𝐑𝐍𝐎𝐕𝐄𝐑 𝐍𝐆 𝐋𝐆𝐔 𝐀𝐌𝐔𝐋𝐔𝐍𝐆

Isinagawa ng Lokal na Pamahalaan ng Amulung ang turnover ceremony ng bagong tayong gymnasium sa Dadda Elementary School.

Ang nasabing proyekto ay itinayo sa pamamagitan ng pondo mula sa Lokal na Pamahalaan ng Amulung upang magsilbing ligtas at maayos ang mga programa ng paaralan at komunidad.

Parte ng programa ang tradisyunal na ribbon-cutting ceremony bilang simbolo ng opisyal na pagbubukas ng pasilidad. Isinagawa rin ang pagbasbas sa bagong gymnasium na pinasimunuan ni Rev. Fr. Adrian Baculi.

Pinangunahan ni Mayor Elpidio Rendon ang seremonya kasama ang mga departament at unit heads ng LGU. Nakiisa rin sa mahalagang kaganapan ang mga opisyal ng Barangay Dadda, mga guro, at mga mag-aaral ng Dadda Elementary School.

Gagamitin ang bagong gymnasium sa mga aktibidad tulad ng sports events, programa sa paaralan, at iba pang pagtitipon ng pamayanan sa Barangay Dadda.