Sigun ti istorya dagiti lallakay ken babbaket, idi un-unana nga panawen daitoy nga lugar ket kasiksikalan. Gapu ti pateg ken nataba ti dagdaga, napanunut dagiti agnanaed nga tattao iti daitoy a lugar nga mulaan da dagitoy daga ti bawang. Pasig nga Bawang ti immula dagiti tattao nga isu metten ti nagbalin nga paggappuan ti pagbiagan da.

Ket idi simmangbay dagiti Kastila ditoy Pilipinas nakitada daytoy nga lugar a pasig nga bawang ti imulmula dagiti tattao. Gapu ta dagiti Kastila ket kaykayat da dagiti mula nga maaramat nga rekado ti anniaman nga putahe wenno makmakan kas koma ti bawang. Napanunut da nga nangipatugaw ti maysa nga maingel ken madaydayaw nga tao kas pangulo ti nasao nga lugar tapno salakniban na, haan lang dagiti tattao nu di ket pati pay dagiti mulmula da nga bawang.

Manipud met idin, ti nasao nga lugar a napnuan bawang nga mula ket napanaganan iti BAWANG aginggana nagbalin nga BAUAN.